नवीन वर्षाची तयारी: पुण्यातील वाहतूक बदलांची संपूर्ण माहिती

पुणे, 30 डिसेंबर 2024: नवीन वर्ष साजरे करण्याच्या तयारीचा एक भाग म्हणून लष्कराने डेक्कन आणि लष्कर भागातील वाहतूक व्यवस्थेत महत्त्वपूर्ण बदल केले आहेत. 31 डिसेंबर रोजी सायंकाळी 5 नंतर महात्मा गांधी रोड, फर्ग्युसन रोड आणि जंगली महाराज रोडवर वाहनांच्या ये-जा करण्यास बंदी असेल. गर्दीवर नियंत्रण ठेवणे आणि नागरिकांची सुरक्षा सुनिश्चित करणे हा या निर्णयाचा उद्देश आहे.

माजी पंतप्रधान डॉ. मनमोहन सिंग यांच्यावर शासकीय इतमामात अंत्यसंस्कार

या भागातील वाहतूक सुरळीत होण्यासाठी अनेक रस्ते बंद राहणार असल्याचे पोलिस उपायुक्त अमोल जेंडे यांनी सांगितले. लष्कर परिसरातील वाहतूक १५ ऑगस्ट चौकात बंद करण्यात येणार असून ती कुरेशी मशीद, सुजाता मस्तानी चौकाकडे वळवण्यात येणार आहे. याशिवाय वोल्गा चौकाकडून मोहम्मद रफी चौकाकडे जाणारा रस्ताही बंद ठेवण्यात येणार आहे.

करसंकलन विभागाकडून दोन दिवसात तब्बल 128 मालमत्ता जप्त!

फर्ग्युसन रोड आणि जंगली महाराज रस्त्यावर येणारी वाहतूक खंडूजीबाबा चौकात थांबवून लॉ कॉलेज रोड, प्रभात रोडकडे वळवण्यात येईल.
वाहतूक नियमांचे पालन व्हावे यासाठी पोलीस मद्यधुंद वाहनचालकांवर कडक कारवाई करणार आहेत. वाहनचालकांनी वाहतुकीचे नियम पाळून सुरक्षित प्रवास करण्याचे आवाहन करण्यात आले आहे.
या विशेष व्यवस्थेअंतर्गत पहाटे ५ वाजेपर्यंत कोणतेही वाहन या भागात प्रवेश करू शकणार नाही. सर्व नागरिकांना विनंती आहे की त्यांनी या बदलाची माहिती घेऊन प्रवासाचे नियोजन करावे आणि कोणतीही गैरसोय टाळावी.