सोलापुरात विमानसेवेचे स्वप्न साकार होण्याच्या जवळ

सोलापूर : सोलापूरची बहुप्रतिक्षित विमानसेवा लवकरच सुरू होणार असल्याची माहिती जिल्हाधिकारी कुमार आशीर्वाद यांनी नुकतीच दिली. यासंदर्भात आवश्यक ती सर्व प्रक्रिया पूर्ण करण्यात प्रशासन व्यस्त असून, त्यामुळे स्थानिक विकास आणि पर्यटनाला चालना मिळेल, असे ते म्हणाले.
आशीर्वाद म्हणाले की, सोलापूरच्या सर्वांगीण विकासासाठी धार्मिक, ऐतिहासिक, कृषी, जल पर्यटनाला प्राधान्य दिले जात आहे. येत्या काही महिन्यांत विमानसेवा पूर्णपणे सज्ज होईल, असा विश्वास त्यांनी व्यक्त केला.

नांदणी मठाला तीर्थक्षेत्राचा दर्जा मिळाला

विधानसभा निवडणुकीपूर्वी पंतप्रधान नरेंद्र मोदी यांच्या हस्ते सोलापूर विमानसेवेचे उद्घाटन करण्यात आले. मात्र, नागरी विमान वाहतूक महासंचालनालयाकडून (डीजीसीए) तांत्रिक परवाना मिळण्यास काहीसा विलंब झाला होता, तो आता पूर्ण झाला आहे. 'फ्लाय-91' विमान कंपनीने 23 डिसेंबरपासून मुंबई-सोलापूर-मुंबई आणि गोवा-सोलापूर-गोवा विमानसेवा सुरू करण्याची योजना आखली होती, मात्र काही तांत्रिक अडचणींमुळे उड्डाणाच्या तारखा बदलण्यात आल्या.
स्थानिक विमानतळावर 165 कोटी रुपये खर्चून विविध नूतनीकरणाची कामे करण्यात आली आहेत. इंधनाच्या उपलब्धतेसाठी नागपूरच्या संबंधित यंत्रणेकडूनही परवानगी घेतली जात आहे. सर्व तयारी पूर्ण झाल्यानंतर सोलापूरला विमानसेवा सुरू करण्यात येईल, असे आश्वासन आशीर्वाद यांनी दिले.

नागपुरात एचएमपीव्हीची दोन प्रकरणे, आरोग्य विभागाने दिले स्पष्टीकरण

सोलापूर येथील विमानतळ सुमारे 350 एकरात पसरलेला आहे, तर जवळच असलेल्या बोरमणी येथे आंतरराष्ट्रीय मालवाहू विमानतळाचे बांधकामही सुरू आहे. गेल्या 16 वर्षांत अनेक घोषणा होऊनही, हवाई सेवेत व्यत्यय येत राहिला, परंतु आता परिस्थिती झपाट्याने बदलत आहे. सोलापुरातील जनता या विमानसेवेची अनेक दिवसांपासून वाट पाहत होती, आता ती पूर्ण करण्याचा प्रशासनाचा निर्धार आहे.