ठाण्यातील तीन प्रमुख उड्डाणपुलांची पाहणी मुंबई आयआयटीने सुरू केली

ठाणे : ठाण्यातील वाहतूक समस्या लक्षात घेऊन मुंबई आयआयटीतर्फे तीन प्रमुख उड्डाणपुलांची संरचनात्मक तपासणी करण्यात येत आहे. यामध्ये कळवा येथील जुना खाडी पूल, ठाणे रेल्वे स्थानकाच्या पश्चिमेकडील सॅटिस पूल आणि मुंब्रा रेल्वे स्थानकाबाहेरील उड्डाणपुलाचा समावेश आहे. हे उड्डाणपूल 10 वर्षांहून अधिक जुने असल्याने आणि त्यांच्या देखभालीची गरज भासत असल्याने या पुलांची विशेषत: पाहणी केली जात आहे.

तुरुंगात ई-मुलाखत: कैदी आणि त्यांच्या कुटुंबियांसाठी नवीन आशा

सूत्रांनी दिलेल्या माहितीनुसार, येत्या १५ ते २० दिवसांत मुंबई आयआयटीचा अहवाल येण्याची शक्यता असून, त्याआधारे आवश्यक दुरुस्तीचे काम केले जाईल. ठाणे महापालिकेने दोन महिन्यांपूर्वी आयआयटीला तपासणीसाठी कळवले असून, गेल्या 20 दिवसांपासून या कामाची प्रक्रिया सुरू आहे.

वाल्मिक कराड प्रकरणात जितेंद्र आव्हाड यांनी उपस्थित केले प्रश्न

ठाणे शहरातील वाहतूक सुरळीत करण्यासाठी हे उड्डाणपूल बांधण्यात आले आहेत. सॅटिस उड्डाणपुलावरून महापालिका आणि राज्य परिवहन बसेस धावतात, तर कळवा खाडी पुलावरून हलकी वाहने नवी मुंबई, मुंब्रा, कळवा आणि विटावा भागातून ठाण्याच्या दिशेने जातात. मुंब्रा रेल्वे स्थानकाबाहेरील रस्ता अरुंद असल्याने शहराच्या अंतर्गत वाहतुकीसाठी हा उड्डाणपूल अत्यंत महत्त्वाचा आहे.
ठाणे महापालिकेच्या अभियंत्यांनी नाव न छापण्याच्या अटीवर सांगितले की, मुंबई आयआयटीची संरचनात्मक तपासणी सुरू असून, त्याचा अहवाल लवकरच उपलब्ध होईल. या अहवालाच्या आधारे उड्डाणपुलांची डागडुजी आणि आवश्यक ते बदल करण्यात येणार असून त्यामुळे वाहतुकीची समस्या सुटणार असल्याचे अधिकाऱ्यांनी दुजोरा दिला आहे.