प्रशांत किशोरची अटक: चळवळीचा नवा अध्याय

पटना , ६ जानेवारी २०२५: जनसुराज पक्षाचे प्रमुख प्रशांत किशोर यांना आज सकाळी पटना पोलिसांनी अटक केली. बीपीएससी (बिहार लोकसेवा आयोग) विद्यार्थ्यांच्या मागण्यांच्या समर्थनार्थ ते गेल्या चार दिवसांपासून बेमुदत उपोषणावर होते. किशोरने गांधी मैदानावर आंदोलन करून सरकारचे लक्ष वेधण्याचा प्रयत्न केला होता, मात्र त्यावेळी पोलिसांनी अचानकपणे त्याला अटक करण्याची कारवाई केली.

जिल्ह्याच्या पालकमंत्र्यांच्या नियुक्त्या अनिश्चित, राजकीय वर्तुळात खळबळ

पहाटे चार वाजण्याच्या सुमारास प्रशांत किशोर आणि त्यांचे समर्थक जमिनीवर झोपले असताना पोलिसांनी ही कारवाई केली. अटकेच्या वेळी पोलिसांनी ‘तुम्हाला आमच्यासोबत यायचे आहे,’ असे सांगितले त्यामुळे समर्थकांनी विरोध केला. प्रशांत किशोर यांना रुग्णवाहिकेतून एम्स रुग्णालयात नेण्यात आले, तेथे त्यांनी उपचार करण्यास नकार दिला.
बीपीएससी परीक्षेच्या वादाच्या पार्श्वभूमीवर ही अटक करण्यात आली होती, ज्यामध्ये विद्यार्थ्यांनी 13 डिसेंबर रोजी परीक्षेचा पेपर लीक झाल्याचा आरोप केला होता. त्यामुळे सर्व परीक्षा केंद्रांवर विद्यार्थ्यांनी आंदोलन सुरू केले. प्रशांत किशोर आणि अपक्ष खासदार पप्पू यादव यांनी या आंदोलनाला पाठिंबा दिल्याने किशोर यांनी उपोषण सुरू केले.

पुणे विमानतळावर सुरक्षा व्यवस्थेत त्रुटी: प्रवाशाकडून 28 काडतुसे जप्त

या संदर्भात प्रशांत किशोर यांनी तेजस्वी यादव यांना या आंदोलनाचे नेतृत्व करावे, अशी सूचना केली. "राजकारण कधीही होऊ शकते. इथे आमच्या पक्षाचे कोणतेही बॅनर नाही," असे ते म्हणाले.
या संपूर्ण घटनेने राज्यात पुन्हा राजकीय खळबळ उडाली असून प्रशांत किशोर यांच्या समर्थकांनी त्यांची अटक निषेधार्ह मानली आहे. पोलीस आणि समर्थकांमध्ये चकमकही पाहायला मिळाली, त्यामुळे परिस्थिती अधिकच तणावपूर्ण झाली.