नीलकमल बोटीचा प्रवासी परवाना निलंबित

मुंबई : गेट वे ऑफ इंडियाहून घारापुरीला जाणाऱ्या 'नीलकमल' या बोटीला बुधवारी झालेल्या भीषण अपघातानंतर मुंबई मेरीटाईम बोर्डाने तातडीने कारवाई करत बोटीचा प्रवासी परवाना, नोंदणी प्रमाणपत्र आणि सर्वेक्षण प्रमाणपत्र निलंबित केले आहे. बोटीत क्षमतेपेक्षा जास्त प्रवासी असल्याचे तपासात समोर आल्याने हा निर्णय घेण्यात आला.
नौदलाच्या स्पीड बोट 'नीलकमल' बोटीला धडकून झालेल्या अपघातात चौदा जणांना जीव गमवावा लागला. 'नीलकमल' या बोटीवर एकूण 110 प्रवासी आणि 5 क्रू मेंबर्स उपस्थित असताना ही घटना घडली, तर तिची कमाल क्षमता 80 प्रवासी आणि 6 क्रू मेंबर होती.

हिवाळी अधिवेशनात १७ विधेयके मंजूर

चालक दलाने प्रवासी वाहतुकीशी संबंधित नियमांचे उल्लंघन केल्याची पुष्टी मुंबई मेरीटाईम बोर्डाच्या अधिकाऱ्यांनी केली आहे. या घटनेचे गांभीर्य लक्षात घेऊन बोट मास्तर व इंजिन चालकाची जबाबदारी लक्षात घेऊन चौकशी करण्यात येत आहे. दोघांची परवाना प्रमाणपत्रे निलंबित करण्याची प्रक्रियाही सुरू आहे.
तपासादरम्यान बोट मास्तर आणि इंजिन चालकावर त्यांच्या क्षमतेपेक्षा जास्त प्रवासी जाणीवपूर्वक प्रवास केल्याचा आरोपही समोर आला आहे. याप्रकरणी कठोर कारवाई केली जाईल, जेणेकरून जलवाहतुकीतील नियमांचे उल्लंघन रोखता येईल.

पिंपरी-चिंचवडला 'वॉटर प्लस सिटी' बनवण्याच्या दिशेने पावले

या अपघातामुळे सागरी प्रवासाच्या सुरक्षेबाबत गंभीर चिंता निर्माण झाली असून, नीलकमल बोटीचे हे प्रकरण नियम न पाळणाऱ्या तमाम बोटमालकांसाठी धोक्याचा इशारा ठरला आहे.