अलिबाग-घारापुरीसाठी सुरक्षित जलमार्गाची मागणी

मुंबई : अलीकडच्या काळात अलिबाग आणि घारापुरीला भेट देणाऱ्या पर्यटकांची संख्या झपाट्याने वाढली आहे. गेटवे ऑफ इंडियावरून प्रवासी बोटीतून अवघ्या एक ते दीड तासात अलिबागला पोहोचणे शक्य आहे, तर रस्त्याने प्रवास करण्यासाठी काही तास जास्त लागतात. ही सुविधा असतानाही सागरी प्रवासात झपाट्याने वाढणाऱ्या अपघातांमुळे प्रवाशांच्या सुरक्षिततेचा प्रश्न निर्माण झाला आहे.

आश्वासने पूर्ण होणार;योजना बंद होणार नाहीत ...महाराष्ट्र आता थांबणार नाही - मुख्यमंत्री देवेंद्र फडणवीस

गेल्या काही वर्षांत गेट वे ऑफ इंडिया ते अलिबाग आणि घारापुरी या स्पीड बोट सेवा सुरू झाल्या आहेत, मात्र त्यांचा वेग आणि अव्यवस्थित कारभार यामुळे प्रवाशांना धोका निर्माण झाला आहे. अनेकदा स्पीड बोट प्रवासी बोटींच्या अगदी जवळून जात असल्याने भीतीचे वातावरण निर्माण होत असल्याची चिंता अनेक प्रवाशांनी व्यक्त केली आहे.
एका प्रवासी बोट चालकाने नाव न सांगण्याच्या अटीवर सांगितले की, "एक्स्प्रेस स्पीड बोटींच्या धोकादायक चालीमुळे आम्ही सर्व घाबरलो आहोत. आम्हाला सुरक्षिततेच्या ठोस उपाययोजनांची गरज आहे."

महापालिकेच्या वतीने अल्पसंख्यांक हक्क दिन उत्साहात साजरा

तसेच मच्छीमारांकडून समुद्रात पसरलेली जाळीही अडचणीची ठरत आहे. समुद्राच्या अतिप्रवाहामुळे ही जाळी अनेकदा बोटीच्या प्रोपेलरमध्ये अडकतात, त्यामुळे बोटींग करण्यात अडचण येते. त्यामुळे अपघात तर वाढतातच शिवाय प्रवाशांमध्ये असुरक्षिततेची भावना निर्माण होते.
ही परिस्थिती पाहता सुरक्षित जलमार्ग उभारण्याची मागणी स्थानिक मंडळी आणि पर्यटकांकडून होत आहे. ही समस्या दूर न झाल्यास अलिबाग आणि घारापुरीची वाढती पर्यटन क्षमता धोक्यात येऊ शकते.