१२ फेब्रुवारी रोजी आळंदी येथे राष्ट्रपित्याचे पुण्यस्मरण कार्यक्रम

महात्मा गांधी रक्षा विसर्जन स्मृती दिवस निमित राष्ट्रपिता महात्मा गांधी यांना अभिवादन करण्यासाठी   महाराष्ट्र गांधी स्मारक निधी(कोथरुड )आणि नगर परिषद आळंदी यांच्या संयुक्त विद्यमाने 'राष्ट्रपित्याचे पुण्यस्मरण' हा कार्यक्रम आयोजित करण्यात आला आहे.आळंदी येथे  घाटावरील रक्षा विसर्जन स्तंभ येथे १२ फेब्रुवारी 2025 रोजी सकाळी साडेआठ वाजता हा कार्यक्रम होईल.

उपमुख्यमंत्री एकनाथ शिंदे यांच्या वाढदिवसानिमित्त देहूत वृक्षारोपण

राष्ट्रपिता महात्मा गांधी यांच्या  हत्येनंतर  महात्माजींच्या इच्छेनुसार त्यांच्या अस्थी रक्षेचे भारतातील प्रमुख नद्यांप्रमाणे इंद्रायणीमध्येही विसर्जन झाले.  एका कलशातील अस्थी रक्षेचे विसर्जन आळंदी येथील इंद्रायणी नदीमधे दि. १२ फेब्रुवारी १९४८ रोजी करण्यात आले. त्यांची स्मृती म्हणून रक्षा विसर्जन स्तंभ उभारण्यात आला. दरवर्षी १२ फेब्रुवारी रोजी आळंदी येथे गांधीजींना अभिवादन करण्यात येते. ७७ वर्ष ही परंपरा सुरु आहे.

पिंपरी चिंचवड सायन्स पार्क चा १२ वा वर्धापन दिन

यावर्षी सुद्धा हा अभिवादन कार्यक्रम आयोजित करण्यात आला आहे. इंद्रायणी नदी च्या घाटावर सकाळी ठीक साडेआठ वाजता  हा कार्यक्रम होईल. ​धनंजय पवार,मोहिनी पवार यांच्या भजनाचा कार्यक्रम होणार आहे.महाराष्ट्र गांधी स्मारक निधीचे  सचिव अन्वर राजन हे या कार्यक्रमाच्या अध्यक्ष स्थानी असतील.विश्वस्त डॉ.मच्छिन्द्र गोर्डे,विश्वस्त लक्ष्मीकांत देशमुख,देवराम घुंडरे​-पाटील, आळंदी नगरपालिकेचे  मुख्याधिकारी कैलास केंद्रे,  गणपतराव कुऱ्हाडे​-पाटील, तुषार झरेकर  आदी मान्यवर देखील उपस्थित राहणार आहेत.